متي تشعر الحامل بحركة الجنين.. وماذا تفعل لو كانت قليلة أو منعدمة؟

[:ar]”حركة الجنين، حاجة من أحلى الحاجات اللى ممكن السيدة الحامل تحسها، وأول سؤال ممكن الست تسأله هو إمتى أشعر بحركة الجنين داخل بطنى”.

كل سيدة جربت الحمل قبل كده ممكن تشعر بضربات الجنين بدرى عن السيدة التى تحمل لأول مرة “البكرية”، فالاولى تشعر بضربات الجنين منذ الأسبوع الـ 15 إلى الأسبوع الـ 18، أما “البكرية” فستشعر بالحركة منذ الأسبوع الـ 18 لغاية الأسبوع الـ 20.
حركة الجنين
حركات الجنين: بيكون شكلها لطيف، وتظهر فى السونار فى بداية الأسبوع الـ 8 حيث يبدأ الجنين فى تحريك جسمه.
وفى الأسبوع الـ 9 يبدأ فى تحريك يده ومن الممكن ان تحدث له “زوغوطة”
وفى الأسبوع 10 يبدأ فى مص أصابعه
وفى الأسبوع الـ 11 يبدأ فى “التثاؤب”
وفى الأسبوع 24 لغاية الأسبوع 28، إذا سمع الجنين صوت عالى تشعر الأم بقفزات الجنين.
“إيه هى نظرية البالونة”؟
نظرية البالونة هى إن الجنين فى الأول بيبقى حاجة صغيرة بالجرامات حتى يكبر ويصل الى 3 كيلو فتصغر المساحة المجاورة له فى بطن الأم فيبدأ فى تحريك أصابعه وأرجله فى حركات خفيفة جدا، وتشكو السيدات من قلة حركة الجنين ولكنه شئ طبيعى لا خطورة منه”.
“إمتى يكون عدم حركة الجنين تشكل خطورة”؟
جميع البيبيهات تمر بمرحلة النوم لمدة 45 دقيقة فى المرة الواحدة ،لكن لو طالت عن كده لازم الست الحامل تتنام على جنبها اليمنين أو الشمال، وتاكل حاجة مسكرة علشان الجنين يوصولوا جلوكوز ويبدأ فى التحرك، وكمان ممكن تعمل أصوات علشان يسمعها الجنين ويتحرك، لكن اذا لم يحدث ذلك لازم الحامل تروح للطبيب لفحص السبب عن طريق رسم نبض جنين أو عمل دوبلر على الأوعية الدموية، لأن الجنين ممكن يكون مش واصله أكسجين وده بيكون خطر جدا على الجنين.[:]